เพลง น้ำใจไล่น้ำน้ำแก่ง
คำร้อง/ทำนอง สลา คุณวุฒิ
ฟังข่าวน้ำท่วม แล้วเบิดความสิเว้า
พื้นที่อีสานบ้านเฮา หลายหม่องหลายบ่อนจมน้ำเฉียบพลัน
พายุโพดุลหอบฝนแสนห่า มาลงโทษทัณฑ์
เกิดน้ำออกแก่งท่วมนาท่วมบ้าน เบิ่งข่าวรายงานสงสารพี่น้อง
โอ้ย..ตั้งแต่เกิด จากน้อยจนใหญ่บ่เคยพ้อ
ฟ้าดินเพิ่นเคียดผู้ใด๋น้อ คือโหดติดต่อเหลียวบ่พ้อป่อง
วัดวาโรงเรียนถนนกลางบ้านกลายเป็นลำคลอง
โรงสีข้าวจมแกลบฟูอ่องลอง ไฟดับน้ำนอง ไทบ้านกินน้ำตา
ฝากเพลงเอิ้นหา..น้ำใจคนไทบ้านเฮา
อยู่ไสแนน้อหมู่เจ้า ผู้คนบ้านเฮาคงอยากเห็นหน้า
ยามยากอย่างนี้ ไผยังพอมีฟ้าวชวนกันมา
บะหมี่ ข้าวสาร กะปิ น้ำปลา รวบรวมกันมา
ส่อยคนหนีน้ำ
ฟังข่าวน้ำท่วม ฟ้าวส่งต่อควมบอกกันไว้
น้ำท่วมบ่ฮอดหัวใจ เพราะพี่น้องไทหัวใจบ่ดำ
พายุน้ำใจหอบฮักยิ่งใหญ่กลับไปเยี่ยมยาม
บ้านไผบ้านมันส่อยหยังได้ให้ทำ กัดแข่วสู้น้ำซามฟ้าเห็นใจ
ติดตามข้อมูลข่าวสารจากบ้านครูสลา ▼
facebook :: https://www.facebook.com/bankroosala
IG :: https://www.instagram.com/kroo_sala/
Line@ :: @baan_kroosala (มี @ ข้างหน้า)
#บ้านครูสลา
